Pak ditë më parë u njoftuar se këngëtarja shqiptare me famë tashmë ndërkombëtare, Erza Muqolli do të jetë pjesë e Festivalit “RLIOF”.
Lajmin e ka konfirmuar tenori i suksesshëm shqiptar, Ramë Lahaj i cili bëri të ditur se në edicionin e dytë të koncertit të tij, që organizohet në Prishtinë nga data 21 feri më 30 korrik do të jetë edhe Erza.
Teksa, sot (e shtunë) Lahaj bëri një tjetër postim ku shihet në disa fotografi bashkë me artisten e talentuar, ndërsa bashkë më të ai shkroi edhe një postim të gjatë.
Ai tha se për Erzën, kritika botërore thotë se ajo ta rrëqeth trupin kur këndon dhe sipas Lahaj nuk ka si të jetë ndryshe pasi vjen nga Drenica.
Tutje, Ramë u shpreh se asnjëherë nuk ka dëshiruar që publiku të paguaj për koncertet e tij, por në mbrëmjen gala të festivalit ‘RLIOF” kanë vendosur që të mbledhin fonde përmes shitjeve të biletave për studentët të cilët nuk mund të ia dalin me shpenzimet e tyre.
Më poshtë postimi i plotë i Ramë Lahaj:
E kam marrë në krah dhe e kam përqafu sa herë më asht’ dhanë mundësia, kur kemi qenë në ngjarje të përbashkëta. E kam shtrëngu fort se asht’ vetë dashnia. Për Erzën, kritika botërore thotë se ajo të rrënqethë trupin kur këndon. Nuk ka se si të jetë ndryshe; rrënjët e saj janë nga Drenica, vatra më e vujtun në Kosovë. Në zanin e saj krejt natyrshëm ndjehet krenaria, dhimbja, vuajtja dhe fitorja jonë.
Erza e ka pasë fatin të rritet e të shkollohet në Evropë, në sistemet më të mira edukative, ndërsa ne në Kosovë kemi plot talente që sot nuk e kanë një mundësi të tillë. Po mbledhemi të gjithë së bashku jo veç për ta festu suksesin e Erzës bashkë me mërgatën tonë, por edhe të ndihmojmë me donacione përmes shitjes së biletave për këtë koncert unik, duke mbështetur talentet e reja që nuk kanë mundësi financiare.
Miq, nuk kam dashtë kurrë që ju të paguani për koncertet e mia, andaj edhe festivali është i hapur dhe pa pagesë. Mirëpo, në mbrëmjen gala kemi vendosur të mbledhim fonde përmes shitjes së biletave, për ata studentë të cilët nuk mund t`ja dalin vetë. Me biletën që do ta bleni, jo vetëm do ta përjetoni një koncert krejt unik në sheshin e qytetit, shoqëruar me artistë e yje nga e mbarë bota, si kurrë më parë, por edhe do të mbështesni talentet e Kosovës.
Faleminderit për respektin, dashninë e besimin që ma dhuroni, përherë.
I juaji,
Rame
Rame Lahaj International Opera Festival
Erza Muqoli
**
Biletat mund t`i bleni te ky link: https://bit.ly/3yOokeu ose fizikisht në këto pika të shitjes:
• Prishtinë / Rave office dhe Soma Book Station
• Prizren / Diamond vector travel
• Ferizaj / Pika travel
• Pejë / Soho Bar
