Këngëtari nga Gjakova, Valon Shehu, ka përfunduar të shtunën në prangat e Policisë pasi u kap me drogë.
Zyrtarët policorë i gjetën atij një sasi të drogës, pasi e ndalën për ta gjobitur për kundërvajtje në trafik, për shkak të shkeljes së rregullave.
Policia e ndali Shehun në rrugën “Gasper Karaqi”, për kontroll dhe verifikim, me ç’rast rezultoi se po lëvizte me veturën e tij në kundërshtim të rregullave në trafik.
Sipas Sinjalit i njëjti e ka pasur të ndaluar për të qarkulluar me veturë, për çka Policia u detyrua që të veprojë në bazë të ligjit, për t’ia konfiskuar veturën.
Ndaj tij u ndërmorën veprimet e nevojshme nga ana e Policisë dhe më pas u shoqërua në stacion policor për intervistim.
Lidhur me rastin e drogës, Prokurori i Shtetit ka urdhëruar masën e ndalimit policor dhe inicimin e rastit për veprën penale “Posedim i paautorizuar i narkotikëve, substancave psikoterapie ose analoge”.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
