Presidentja e vendit, Vjosa Osmani po qëndron në Shtetet e Bashkuara të Amerikës.
Aktivitetet e saj kanë qenë të shumta në numër.
Së fundmi ajo ka folur për ndjenjën dhe përjetimet e një refugjati, në Clinton Global Initiative në New York.
Ajo para të pranishmëve është shprehur se njerëzit e Kosovës e kanë dëshiruar lirinë dhe këtë nuk ka mundur askush t’ua mohojë e ndalojë pa marrë parasysh se sa e gjatë ishte rruga.
“Të jesh një refugjat të formon si person, por edhe profesionalisht për të gjithë jetën. Dhe të inspiron në vete për nevojën që t’i shërbesh vendit tënd, njerëzve të tu dhe njerëzimit në botë”.
“Unë e di që jemi shtet i vogël por fuqishëm e besoj se ndikimi i jonë në botë nuk duhet të përkufizohet me madhësinë gjeografike apo vendndodhjen. Por për historinë që kemi për të thënë, historia e Kosovës është ajo që shfaq partneritetin, fuqinë e aleancave, dhe fuqinë e demokracisë”.
“Dhe tregon e asgjë nuk mund të qëndrojë në rrugën e njerëzve që dëshirojnë të jenë të lirë, asgjë pa marrë parasysh sa e vështirë është rruga, dhe pa marrë parasysh sa gjatë, gjithmonë ti do të jesh aty. Askush nuk mund të ndalojë njerëzit që duan të jenë të lirë”, ka thënë Osmani. /Gazeta Enigma
