Aktorja dhe deputetja e njohur shqiptare, Adriana Matoshi, është mjaft aktive dhe e ndjekur në rrjetet sociale.
Ajo ka mbi 55 mijë ndjekës vetëm në rrjetin social TikTok, ku shpesh publikon video të ndryshme, për të argëtuar fansat e saj.
Së fundmi, Matoshi publikoi një video në llogarinë e saj zyrtare, ku shihej bashkë me mikeshën e saj, teksa kërcejnë të dyja në stil gangster, nën ritmet e muzikës hip-hop.
Ato kanë zgjedhur që të kërcejnë të shoqëruara nga “Beretta”, këngë e krijuar nga Guy2bezbar enkas për këtë sfidë në hip-hop, e cila është bërë virale tashmë në këtë rrjet social.
Ajo përndryshe shquhet për stilin e saj të veçantë në veshje dhe luftimin e paragjykimeve që lidhen me paraqitjet e saj skenike dhe ato në institucione.
Krahas bagazhit artistik e angazhimeve në teatër/film, ajo po vazhdon të ketë një performancë relativisht aktive edhe si deputete e Kuvendit të Kosovës, nga radhët e pozitës.
