Aktorja shqiptare me famë botërore, Eliza Dushku, është bërë nënë për herë të dytë.
Artistja me prejardhje nga Korça njoftoi përmes Instagramit se ajo dhe bashkëshorti i saj, CEO i ‘Intercontinental Real Estate Corporation’, Peter Palandjian mirëpritën në jetë një djalë.
Duke publikuar disa fotografi të realizuara me fotografin Fadil Berisha gjatë shtatzënisë, Eliza shkroi në mbishkrimin e tyre me gëzim për ardhjen në jetë të djalit, të cilin e pagëzuan me emri Bodan.
“Duke mirëpritur djalin tonë të bukur, “Bodan”, kjo javë ka qenë një udhëtim në vetvete. Mirënjohje dhe gëzim! Këta djem i japin jetës horizonte të reja. Bourne & Bodie: Vëllezërit #Boston. Faleminderit të gjithë atyre që na mbështesin dhe na duan ~ Ah, këtu duhet të jemi. Fadil Berisha, fotografitë tuaja janë gjithmonë më të preferuarat e mia – ne të duam, Axha Fadil (i njohur fotografi më i madh në botë”, shkroi Eliza në mbishkrimin e këtyre fotografive.
Eliza dhe miliarderi 57-vjeçar i pasurive të paluajtshme ishin tashmë prindër të djalit dyvjeçar Philip ‘Bourne’, i cili është i emocionuar të jetë një vëlla i madh.
Peter është gjithashtu baba i katër fëmijëve – Manon, Petros, Margot dhe Madelon – nga martesa e tij e parë me stilisten e bizhuterive, Marie -Louise ‘Minou’ De Gruyter, shkruan DailyMail.
Vajza e Palandjian, Manon – e cila mbikëqyr marketingun dhe komunikimin për biznesin familjar në vlerë prej gjashtë miliardë dollarësh – publikoi në Instagram një fotografi të gjysmë vëllait të saj Bodie të enjten e kaluar.
Eliza dhe Peter filluan të takohen në qershor të vitit 2017 – do të festojnë përvjetorin e tretë të martesës më 18 gusht.
Dushku nuk ka pasur një shfaqje aktrimi që nga viti 2017 kur ajo portretizoi ‘Patrician’ në filmin e Netflix, “The Saint” si dhe personazhin ‘JP Nunnelly’ në dramën ligjore “CBS Bull”.
