Banorët e BBV3 kanë njohur më mirë njëri-tjetrin, ku kanë rrëfyer për historitë e tyre të dhimbshme që kanë kaluar në jetë.
Fatjon Kuqari ka treguar pengun e tij më të madh, para se babai t’i vdiste.
Sipas tij ai ka qenë një njeri që nuk përdorte kurrë ilaçe edhe kur sëmurej me grip.
”Dua të kthehem 9 muaj mbrapa, sepse babai im ka ikur vetëm për një aspirinë, që do të thotë vetëm për një trashje gjaku. Dua të kthehesha 9 muaj mbrapa, sepse unë debatoja shpesh me të, edhe kur ishte me grip nuk pinte asnjë lloj ilaçi, nuk pinte kurrë ilaçe dhe unë zihesha gjithmonë me të, bëja debat, hajde bëj analiza e të gjitha. Do doja të kthehesha 9 muaj mbrapa, ta merrja me zor, t’i bëja analizat dhe t’i jepja aspirinën dhe të ishte midis nesh. Realisht ishte shumë i fortë dhe kishte shumë rrugë për të bërë. Një orë para se t’i ndodhte ajo gjë ishte në këmbë, ishte çdo gjë në rregull, perfekte”, u shpreh Fatjoni.
