Edin Dzeko mund të quhet një lojtar i ri i Interit, edhe pse marrëveshja përfundimtare mes dy klubeve ende mungon.
Kampioni në fuqi i Italisë ka kontaktuar me agjentët e boshnjakut dhe i kanë ofruar kontratë dy vjeçare.
35-vjeçari ka pranuar transferimin te Interi dhe pritet ta zëvendësojë Romelu Lukakun i cili është duke kompletuar transferimin te Chelsea.
Sipas asaj që ka raportuar Sky Sports, Interi ka hapur zyrtarisht bisedimet me Romën për transferimin e boshnjakut.
Dzeko ka edhe një vit kontratë me Romën, derisa kryeqytetasit po synojnë të fitojnë rreth 10 milionë euro nga shitja e tij.
Se Dzeko do të largohet nga Roma u vërtetua edhe në ndeshjen miqësore që Giallorosët e zhvilluan ndaj Betisit, ku boshnjaku nuk u paraqit për asnjë minutë.
Gjithsesi kjo javë pritet të jetë vendimtare për të ardhmen e Dzekos.
