Këngëtarja latine, Jennifer Lopez, dhe aktori Ben Affleck nuk e fshehin më dashurinë. Së fundmi dyshja është kapur ‘mat’ në rrugët e ishullit italian, Kapri, duke shëtitur dorë për dore.
Çifti ka festuar ditëlindjen e Lopez dhe pushimet së bashku në Evropë gjatë dy ditëve të fundit. Dalja e fundit e ‘Bennifer’ erdhi të martën, kur të dy u fotografuan të kapur për dore, duke shijuar një shëtitje nëpër rrugët e Kapri në Itali.
Në ditëlindjen e saj të 52-të Jennifer Lopez postoi foton e saj të parë më dashurinë e rinisë. J Lo u ribashkua me Ben Affleck pas 17 vitesh.
