Jennifer Lopez tregoi unazën e saj të re pasi u martua me Ben Affleck në një ceremoni “argëtuese dhe rastësore” në Las Vegas.
52-vjeçarja shkoi në Instagram Story për të ndarë një fotografi pa grim të dielën, teksa unaza e saj mund të shihej për herë të parë.
Ajo dukej absolutisht mahnitëse teksa buzëqeshte dhe shfaqte pamjen e saj natyrale ndërsa ishte e zhveshur, por e mbuluar me çarçafë të bardhë.
J.Lo e promovoi atë në faqen “On The JLo” që përmban informacione nga dasma, ndërsa ajo ndau foton me 218 milionë ndjekësit e saj.
Kjo ndodhi pasi ajo dhe Ben u martuan në Las Vegas tre muaj pasi u fejuan përsëri dhe 20 vjet pasi aktori i propozoi për herë të parë.
Aktorja konfirmoi se ata thanë ‘po’ në faqen e saj “On The JLo” , ku ndau detaje të dasmës së tyre intime. Shkrimi ishte i nënshkruar ‘Znj. Jennifer Lynn Affleck’ dhe përfshiu fotografi të sinqerta të porsamartuarve dhe video të çiftit duke u përgatitur për ditën e tyre të veçantë.
