Nita Latifi duket se ka vendosur të bëhet aktive në botën e muzikës pas daljes nga “Big Brother Vip Albania”. Së fundmi ajo publikoi këngën “Dy gota”. Mirëpo, edhe daljet televizive s’kanë qenë të pakta.
Teksa ishte e ftuar në “E Diell”, ajo foli për karrierën, aventurën në BBV por edhe jetë private. Dhe një përgjigje për këtë të fundit, na erdhi e papritur.Nita u pyet se cili nga personazhet e njohur shqiptarë e ka ngacmuar apo i ka dërguar mesazhe flirtuese. Përgjigjia e saj habiti personat që ishin në studio. Nita tha emrin e Graciano Taganit, duke treguar se ai ka tentuar ta puthë në kohën kur kanë qenë në “Star Akademi”.
Argjira Spanca, e cila ishte në studio, e që është e fejuara e Gracianos, tha se nuk është aspak problem, pasi në atë kohë s’ka qenë pjesë e jetës së tij.
