Princi William, Kate Middleton dhe djali i tyre, George, ishin në publik në ndeshjen finale të ‘Euro 2020’ në Wembley, ndërmjet Italisë dhe Anglisë.
Në një video të re të shpërndarë në rrjetet sociale, shihet çifti mbretëror duke e ngushëlluar djalin e tyre pas humbjes së Tre Luanëve nga Azzurrët.
Italia fitoi pas ekzekutimit të penalltive, ndërsa djali shtatëvjeçar është parë i pikëlluar teksa i shikonte lojtarët e zhgënjyer në fushë.
Më pas, vërehet nëna e tij, Kate, duke iu afruar. Dukesha e ka kapur për dore djalin e saj dhe e ka afruar pranë vetes.
Familja Mbretërore po e ndjek nga tribuna finalen e Euro 2020 – kamerat kapin momentin e ekzaltimit të princit të vogël George kur Anglia kaloi në epërsi
Më pas është afruar edhe William duke e kapur djalin, duke i folur dhe pastaj e ka nxjerrë ngadalë nga stadiumi.
Reagimi i princit George në momentin e golit të Anglisë u bë hit në internet, pasi ai ishte gëzuar shumë, por më pas ka ardhur zhgënjimi./Gazeta Enigma/
