Ish-banorja e “Big Brother VIP Kosova” (BBVK), Anisa Veseli, ka ndarë një rrëfim të ndjeshëm dhe personal që preku shumë shikues gjatë qëndrimit të saj në këtë reality show.
Ajo tregoi për një sëmundje të rëndë të shpinës, me të cilën është përballur që nga fëmijëria, duke theksuar se kostoja e lartë e trajtimit ka qenë arsyeja kryesore e mosrealizimit të ndërhyrjes kirurgjikale.
Pas këtij rrëfimi emocional, Anisa u përball me akuza nga disa persona që e cilësuan atë si mashtruese. Për t’iu përgjigjur këtyre akuzave dhe për të mbrojtur të vërtetën e saj, ajo ka vendosur të publikojë një dëshmi vizuale për gjendjen e saj shëndetësore.
Në një postim të fundit, ajo ndau një foto të shpinës së saj dhe shkroi: “Ja një fakt ku kam treguar në rrëfim që verës nuk e kam pasur gjendjen mirë dhe po duhet t’i tregoj gjërat me fakte tash e tutje. Kjo është gjendja e shpinës”.
Ky veprim i fundit nga Anisa është një përpjekje për të mbyllur dyshimet dhe për të treguar transparencën e saj ndaj publikut.
Rrëfimi dhe reagimi i saj jo vetëm që vë në pah sfidat personale me të cilat ajo është përballur, por gjithashtu nënvizon rëndësinë e trajtimit me ndjeshmëri dhe mirëkuptim të njerëzve që përjetojnë vështirësi shëndetësore.
