Modeli dhe këngëtari Nick Kamen ka vdekur në moshën 59 vjeçare, pas një sëmundje të gjatë, shkruan BBC.
Ylli i lindur në Essex ishte i njohur për paraqitjen në një reklamë të Levi në vitin 1985 të filmuar në një lavanderi.
Karriera e tij muzikore arriti kulmin vitin e ardhshëm me pesë hitet kryesore Every Time You Break My Heart, bashkë-shkruar nga Madonna.
Shoku i tij Boy George që udhëhoqi homazhet këtë të Mërkurën, e ka përshkruar Kamen si “njeriun më të bukur dhe më të ëmbël”.
Kamen – emri i vërtetë i të cilit është Ivor Neville Kamen – u bë i famshëm nga reklama e xhinseve, e cila e tregoi atë të mbërrinte në një lavanderi dhe të zhvishej deri tek pantallonat e shkurtra të boksierit ndërsa disa gra shikonin.
Pas kësaj reklame e cila shoqërohej edhe me zërin e Kamen, bëri që të rritej numri i shitjeve të xhinseve, ndërkaq vetë Kamen të merrte vëmendjen e Madonës. Dhe prej këtu filloi rruga e tij e suksesit edhe në muzikë.
Kamen, i cili ka lindur në Harloë në 1962, kuptohet se ka vdekur të martën mbrëma pas një sëmundje të gjatë.
