Të paktën 135 persona kanë humbur jetën në stampedon gjatë ndeshjes së futbollit në Guinenë juglindore të dielën që lam pas.
Kjo shifër është dyfish më e lartë se ajo paraprake prej 56 viktimash, raporton Reuters, transmeton Gazeta Enigma.
Vendimi i diskutueshëm i gjyqtarit shkaktoi dhunë në turmë dhe breshëri të gazit lotsjellës nga policia gjatë ndeshjes në qytetin Nzerekore.
E kjo çoi në përleshje vdekjeprurëse teksa spektatorët u përpoqën të iknin.
“Ne vlerësojmë tani se 135 njerëz kanë vdekur në stadium, shumica fëmijë nën moshën 18-vjeçare”, thuhet në deklaratën e organizatës, duke shtuar se mbi 50 persona mbesin të zhdukur.
Një grupi i të drejtave ka fajësuar forcat e sigurisë, për përdorim të tepërt të gazit lotsjellës dhe që ka pasur prioritet mbrojtjen e zyrtarëve para spektatorëve.
Gjithashtu thuhet se automjetet që ndihmuan zyrtarët dhe të tjerët të largoheshin nga stadiumi, kanë shkelur spektatorët në atë që e ka quajtur si zonë të mbipopulluar, porta e së cilës po pengohej nga forcat e sigurisë.
Sipas organizatës, duhet të mbahen përgjegjës organizatorët e turneut, si dhe junta qeverisëse e Guinesë, pasi ata ofruan mbështetje teknike dhe financiare për nder të udhëheqësit ushtarak, Mamady Doumbouya. /Gazeta Enigma
