Modelja e njohur shqiptare, Juliana Nura, është njëra ndër banoret e shtëpisë më të famshme në Kosovë, Big Brother VIP Kosova.
“Xhuli” është emri me të cilin asaj i drejtohen të gjithë banorët brenda shtëpisë.
Ajo deri më tani aty brenda, ka dëshmuar se është një vajzë e hapur dhe shumë e shoqërueshme.
Por, cila ishte historia e saj, para se ajo të futej në Big Brother VIP Kosova?
Xhuli në vitin 2010 kishte kaluar një periudhë jo shumë të lehtë në jetën e saj.
Asaj i ishte publikuar një video intime, ku gjatë asaj kohe, Xhuli është shprehur se ka kaluar një periudhë shumë të vështirë.
Banorja e Big Brotherit gjithashtu ka treguar edhe si e kanë përjetuar prindërit e saj një situatë të tillë, përcjell Klankosova.tv.
“Besoj shumë keq, sepse nuk kemi fol shumë për këtë gjë, sepse është një periudhë për të cilën prindërit nuk dëshirojnë të flasin, sepse e di që janë lënduar shumë, nuk janë lënduar vetëm se vajza e tyre ishte në momente shumë të vështira, por ishin lënduar edhe nga fisi, nga rrethi, me fjalët”, është shprehur ajo në një intervistë të para pak muajsh.
Por, një përjetim i tillë, nuk e rrëzoi Xhulin, ajo shprehet së është bërë akoma më e fortë.
“Vendosa të bëhem e fortë, të jem fytyrë për të gjithë ato gra që tejkalojnë një gjë të tillë”, tha ajo.
Modelja ka bërë të ditur se për publikimin e kësaj videoje ka bërë edhe një denoncim.
“Unë e bëra një denoncim dhe kam thënë se e vërteta del në shesh. Aludimet ishin të mëdha, kush ishte, me kë ishte, çka bën kjo, çfarë pune bën. Pra, në 2010-tën është kjo”, tha Xhuli.
Tutje, ajo tregoi se gjatë muajve të parë pas publikimit të kësaj videoje, ishte në gjendje shumë të keqe emocionale.
“Dy-tre muajt e parë kam qenë shumë keq psiqikisht dhe emocionalisht. Por, vjen një moment, pas kaq muajsh më erdhi një moment, kur thash se do zhdukem dhe do bëjë një plan”, është shprehur tutje ajo.
Ndryshe, Juli këtë javë është në mesin e gjashtë të nominuarve të parë në Big Brother VIP Kosova. Të nominuar janë edhe Mc Beka, Alisa dhe Urimi, Shora, Lugati dhe Artani.
Kujtojmë se Xhuli dhe Stresi janë pajtuar gjatë ditës së sotme.
Modelja i tha reperit se edhe pse e ka lënduar, ia pranoi kërkim-faljen, pasi ky i fundit ditë më parë e ka kritikuar për veshjet.
Teksa të dy po flisnin në hapësirën e banjos, Xhuli i tha Stresit se mbështetet tek ai dhe të njëjtin premtim e mori edhe nga artisti shqiptar.
