Ka dhënë dorëheqje nga pozita e Drejtorit të Arsimit në Komunën e Fushë Kosovës, Samir Shahini.
Shahini njoftoi përmes Facebook-ut, se arsyet që e çuan të marrë këtë vendim janë personale.
Megjithatë, ai ka vlerësuar se ka pasur edhe “arsye profesionale” për dorëheqje
“Arsyet e largimit tim janë kryesisht personale, dhe sigurisht pak edhe profesionale. Për keto të fundit, është informuar me kohë kryetari i komunës. Dua të kërkoj mirëkuptimin tuaj nëse nuk mund t’ i përgjigjem secilit e secilës nga ju me sqarime në email, mesazhe, e telefonata”, ka shkruar ndër të tjera ai.
