Presidentja e Kosovës, Vjosa Osmani, kopjen e dekoratës “Urdhëri Hero i Kosovës” ia ka dorëzuar familjes së heroit kombëtar, Agim Ramadanit.
Tutje, Osmani ka thënë se medalja ishte humbur pa fajin e familjes dhe legjislacioni aktual lejon që ajo të ridorëzohet në raste të tilla.
Ndërsa, figurën e heroit kombëtar, Agim Ramadani, presidentja e ka vlerësuar lartë duke shtuar se ai është njëri ndër komandantët më të shquar të Ushtrisë Çlirimtare të Kosovës.
“Agim Ramadani është njëri ndër komandantët më të shquar të Ushtrisë Çlirimtare të Kosovës, i cili në betejën e Koshares e theu kufirin i cili i ndante shqiptarët dhe e krijoi shpresën për çlirimin përfundimtar të Kosovës”, ka thënë Osmani.
