Të hënën e 11 marsit shpërtheu një zajrrë në Fabrikën e Plastikës në Parkun e Biznesit në Korreticë të Epërme të Drenasit, raporton Gazeta “Enigma”.
Kjo fabrikë u bë shkrumb e hi, por për fat të mirë nuk u lëndua asnjë punëtor. Por, 60 punëtorë rrezikojnë të mbesin pa punë
Sipas raportit të ekspertit të zjarrit nuk është finalizuar ende, besohet se dëmi i shkaktuar nga zjarri është mbi 10 milionë euro.
Komuna e Drenasit, në territorin e të cilës ndodhet ky park, nuk ka buxhet për t’i dalë në ndihmë Fabrikës e as punëtorëve të saj. Shuma më e madhe me të cilën mund të ndihmojë kjo komunë është 3 mijë euro.
Për të ardhmen e këtyre 60 punëtorëve, kryetari i Drenasit, Ramiz Lladrovci, thotë se vendos vetë kompania.
Për fatin e fabrikës dhe punëtorëve, Kiksi ka pyetur edhe Ministrinë e Industrisë, Ndërmarrësisë dhe Tregtisë, konkretisht Agjencinë KIESA, e cila menaxhon dhe mirëmban Parkun e Biznesit, por nga ky institucion nuk kanë kthyer përgjigje.
Zjarri i së hënës rrezikoi dhe shqetësoi edhe bizneset e tjera që gjenden në këtë park. Madje edhe banorët, të cilët Lladrovci thotë se u ankuan për ndotjen që zjarri i shkaktoi ambientit.
Kiks Kosova ka kontaktuar në numrat kontaktues të fabrikës “Plastika Sh.p.k”, por nga menaxhmenti i saj nuk kanë pranuar që të prononcohen.
