Një 50-vjeçar po dyshohet se ka vrarë bashkëshorten dhe fëmijën në fshatin Sllatinë të Tetovës të shtunën.
Nëna 36-vjeçare dhe vajza 4 vjeçe janë gjetur pa shenja jete në shtëpinë e tyre, ka njoftuar Policia në Tetovë. Djali i mitur është marrë nën përkujdesje të shërbimeve sociale. I dyshuari është shoqëruar në stacionin policor ku po merren masat e nevojshme.
Rasti u njoftua tek autoritetet policore nga një mjek në Tetovë, i cili ishte thirrur për intervenim në shtëpinë ku dyshohet se ka ndodhur vrasja. Mjeku, siç ka thënë Policia, ishte familjar i viktimave.
