Të paktën 60 palestinezë kanë humbur jetën dhe 343 të tjerë janë plagosur në sulmet e kryera nga forcat izraelite në Rripin e Gazës gjatë 24 orëve të fundit. Kjo e ka çuar numrin e viktimave në 218 mijë e 637 që nga fillimi i luftës në Gaza.
Këtë e raporton lëvizja islamiste palestineze Hamas, sipas së cilës në bilancin e viktimave të 24 orëve të fundit përfshihen edhe 31 palestinezë që u vranë ndërsa po prisnin të merrnin ndihma.
Në raportin e saj ditor, Ministria Palestineze e Shëndetësisë në Rripin e Gazës konfirmoi se spitalet në Gazë kanë pritur 345 të plagosur gjatë 24 orëve të fundit.
Ministria e Shëndetësisë në Gaza raportoi se numri i viktimave, që u vranë nga forcat e pushtimit pranë pikave të supozuara të shpërndarjes së ndihmave humanitare, është rritur në 1 mijë e 996 dhe mbi 14 mijë e 898 të plagosur.
Sipas raportit, spitalet në Rripin e Gazës regjistruan 3 vdekje nga kequshqyerja e shkaktuar nga politika izraelite e urisë gjatë 24 orëve të fundit, duke e çuar në total numrin e tyre në 266 vdekje, përfshirë 112 fëmijë.
Shumë viktima janë ende nën rrënoja dhe në rrugë, të paarritshëm nga ambulancat dhe ekipet e mbrojtjes civile.
