Presidentja e Kosovës, Vjosa Osmani, ka vendosur lule tek shtatorja e ish-presidentit historik, Ibrahim Rugova.
Kjo me rastin e 80-vjetorit të lindjes së tij.
Osmani u shpreh se në historinë e shtetit tonë shkëlqen një emër që mishëron guximin, urtësinë dhe ëndrrën tonë për shtet të pavarur, Dr. Ibrahim Rugova, ati themeltar dhe presidenti historik.
“Me besim të pafund në paqen, dinjitetin, lirinë dhe pavarësinë e popullit tonë, presidenti Rugova hodhi themelet e një Kosove të pavarur, duke formësuar një trashëgimi të rrënjosur në mençurinë, durimin, qëndrueshnërinë dhe vullnetin e pathyeshëm të një kombi. Me urtësinë, me vizionin e një burrshtetasi dhe me shpirtin e një patrioti, presidenti Rugova na bashkoi në momentet tona më të vështira, duke frymëzuar brezat për të ecur në rrugën e lirisë, pavarësisë dhe demokracisë. Rrugë nga e cila asnjëherë nuk do të heqim dorë”, shtoi më tej presidentja Osmani. /Gazeta Enigma
80-vjetori i lindjes së presidentit historik, Osmani vendos lule tek shtatorja e Rugovës
