Sindikata e Policisë së Kosovës ka kërkuar pagën e 13-të nga ministri i Punëve të Brendshme, Xhelal Sveçla.
Në letrën drejtuar Sveçlës, Sindikata thotë se kërkon pagën e 13-të pasi gjatë pandemisë nuk kanë marrë asnjë shtesë, transmeton Gazeta ‘Enigma’.
“Andaj kërkojmë nga Ju i nderuar z. Xhelal Sveçla-Ministër I MPB-së dhe nga Qeveria e Juaj, që për këtë fund vit të shpërblehen punonjësit e Policisë së Kosovës me një shumë ekuivalente të një page mujore, e cila sado pak do t’ju ndihmonte dhe do të ishte një shpërblim për punën e tyre të jashtëzakonshme”.
“Këtë kërkesë e arsyetojnë punonjësit e Policisë së Kosovës, pasi që janë bartësit kryesor për sigurinë e Republikës së Kosovës dhe në veçanti janë të kyçur direkt në Ligjin për parandalimin e pandemisë COVD 19 e që për vitin 2021 nuk kanë marr asnjë shtesë edhe pse me Ligj ka qenë e paraparë”, thuhet në kërkesën e SPK-së. /Gazeta Enigma/
