Newcastle United po kërkon të forcojë skuadrën e tyre, pasi ata po përpiqen të shmangin rënien nga Liga Premier dhe kanë identifikuar qendërmbrojtësin e Barcelonës, Samuel Umtiti, si objektivin kryesor.
28-vjeçari është paraqitur rrallë për Barcelonën këtë sezon dhe klubi është shumë i etur për të parë francezin të largohet, së bashku me pagën e tij prej 220 mijë funte në javë, pasi klubi vazhdon të përpiqet të riparojë dëmin e konsiderueshëm financiar në Camp Nou.
Umtiti, një fitues i Kupës së Botës në vitin 2018 me Francën , prej kohësh pretendohet të largohet nga gjigantët katalunas, me Ronald Araujo që e ka tejkaluar atë në renditje së bashku me kapitenin Gerard Pique.
Newcastle është gati t’i ofrojë Umtitit një sfidë të re fitimprurëse, pasi klubi anglez po lufton për të shpëtuar nga rënia nga kategoria dhe sipas gazetës Marca, ky klub është gati të ofrojë 17 milionë funte apo rreth 20 milionë euro për francezin
Megjithatë, blerja e ‘Magpies’ i ka parë ata të bëhen klubi më i pasur në futbollin botëror me një diferencë të konsiderueshme, gjë që mund t’u lejojë atyre të shpenzojnë në afatin kalimtar për transferime të reja.
Por, nuk janë vetëm qindra miliarda funte që mund të interesojnë një lojtar si Umtiti, pasi Newcastle ka treguar shumë më tepër luftë në javët e fundit nën menaxherin e ri Eddie Howe dhe ishte skuadra më e mirë për pjesë të mëdhe të barazimit 1-1 kundër Manchester United të hënën mbrëma.
Klube të tjera të interesuara
Umtiti ka qenë gjithashtu i lidhur me klube tjera të njohura evropiane si Benfica dhe Milan, të cilët mund të ofrojnë konkurrencë për Newcastle.
Nëse francezi vendos të shkojë diku tjetër, raportet sugjerojnë se Newcastle po monitoron gjithashtu nga afër mbrojtësin e Lille, Sven Botman./Gazeta “Enigma”/
