Që nga marsi i vitit 2020, janë infektuar 104 mijë e 042 persona. Kurse jetën nga ky virus e kanë humbur 2 mijë e 129 qytetarë.
Në Kosovë vazhdon të jetë numri i lartë i personave të infektuar me virusin COVID-19.
Por pavarësisht shifrave të larta të të infektimit dhe vdekjes, është një numër i madh edhe i personave që kanë arritur të shërohen nga COVID-19, në Kosovë janë shëruar 91 mijë e 427 qytetarë, kurse numri i rasteve aktive mbetet 10 mijë e 486.
Kujtojmë se dy ditë më parë kanë përfunduar edhe dozat e 24 mijë vaksinave AstraZeneca, që Kosova i kishte marrë përmes programit COVAX i Organizatës Botërore të Shëndetësisë, i cili ka për qëllim shpërndarjen e vaksinave në vendet e varfra.
Është thënë që Kosova do të pranojë edhe 76,800 doza tjera të vaksinës së AstraZeneca nga ky program në periudhën prill-qershor, ashtu sikurse mbi 100,000 doza të vaksinës Pfizer/BioNTech, deri në fund të qershorit.
Bashkimi Evropian më 20 prill njoftoi se deri në muajin gusht do të furnizojë Kosovën me 95,000 vaksina kundër COVID-19 të kompanisë Pfizer/BioNtech në kuadër të një ndihme për vendet e Ballkanit Perëndimor
