Helikopteri eksperimental i NASA-s ka fluturuar për herë të tretë në Mars, ka thënë Agjencia amerikane e Hapësirës (NASA) më 25 prill, sipas kohës sonë planetare, bazuar në kalendarin aktual dhe epokat kalendarike.
Helikopteri, i quajtur ‘Ingenuity’, është ngjitur në pesë metra lartësi dhe më pas ka kryer 50 metra fluturimin, duke lëvizur anash. Ekipeve të NASA-s në Tokë, ai u ka dërguar fotografi bardhë e zi mbi sipërfaqen e Marsit.
“Ingenuity” më pas është kthyer në vendin ku është nisur, pas 80 sekondash të fluturimit, gjithnjë sipas matjeve të kohës tokësore. NASA ka thënë se materiali i incizuar gjatë fluturimit do të dërgohet në Tokë në ditët në vijim.
Kjo agjenci është duke planifikuar edhe fluturime tjera me këtë helikopter në të ardhmen, për të parë terrenin e planetit si dhe për të dhënë udhëzime për anije kozmike apo astronaut.
