Presidenti rus, Vladimir Putin, u ka thënë të enjten bizneseve ruse se ai nuk kishte zgjidhje tjetër përveçse të urdhëronte atë që ai e quajti një operacion special kundër Ukrainës.
Putini ka thënë se të gjitha përpjekjet e mëparshme të Moskës për të ndryshuar situatën e sigurisë nuk kanë çuar gjëkundi.
Ndërkohë, presidenti i SHBA-së, Joe Biden, ka thënë se vetëm Rusia është përgjegjëse për vdekjen dhe shkatërrimin që do të sjellë sulmi i saj në Ukrainë.
SHBA-ja dhe Britania e Madhe tashmë kanë bërë të ditura një varg sanksionesh ekonomike ndaj Rusisë, derisa është raportuar se tregjet ruse e kanë mbyllur ditën e enjte për 33% më dobët.
