F1 e ka anuluar garën e sezonit 2022 që do të mbahej më 25 shtator në Rusi, garë të cilën pritet ta zhvendosin në Turqi.
Ngjarjet e fundit mes Rusisë dhe Ukrainës ka bërë që drejtuesit e Formula 1 të anulojnë këtë garë.
“Formula 1 viziton vende në të gjithë botën me një vizion pozitiv për të bashkuar njerëzit duke bashkuar kombet, ne po i shikojmë zhvillimet në Ukrainë me trishtim dhe tronditje dhe shpresojmë për një zgjidhje të shpejtë dhe paqësore të situatës aktuale.”
“Formula 1 dhe të gjitha skuadrat diskutuan pozicionin e sportit tonë dhe konkluzioni përfshin pikëpamjen e të gjithë palëve relevante se është e pamundur të mbahet Çmimi i Madh i Rusisë në rrethanat aktuale”, thuhet në njoftimin e Formula 1. /GazetaEnigma/
