Më shumë se gjysma e rezervave të Bankës Qendror të Rusisë do të bllokohen si pjesë e sanksioneve të reja të Bashkimit Evropian kundër Rusisë, raporton Gazeta ‘Enigma’.
Kjo është bërë e ditur nga Kryediplomati i Bashkimit Evropian, Josep Borrell.
Duke folur bashkë me shefen e Komisionit Evropian, Ursula Von Der Leyen në Bruksel, Borrell deklaroi se do të sigurojnë miratimin politik të 27 vendeve anëtare të BE-së për një paketë të re sanksionesh ndaj Rusisë.
Ndryshe shumë rusë janë parë sot para bankomateve bankare duke pritur në radhë të gjata.
“Me këto masa më shumë se gjysma e rezervave të bankës së Rusisë do të bllokohen”, tha Borrell.
Sipas paketës “bankat e rëndësishme ruse do të përjashtohen nga sistemi SWIFT”, deklaroi Von Der Leyen.
Masat kundër vendit fqinj Bjellorusia gjithashtu do të përforcohen, sipas Borrell./Gazeta Enigma/
