Trevjeçarja Polina Dudko, po i kalon ditët duke luajtur dhe duke fjetur në banjë, sepse nëna e saj shpreson se është vendi më i sigurt në banesën e tyre.
Kseniya nuk ka përjetuar kurrë një luftë. Ajo nuk di si ta mbrojë më mirë vajzën e saj dhe është e frikësuar.
Familja është bllokuar në Kharkiv, i cili është nën zjarr të fortë prej ditësh tashmë, por ata duhet të dalin urgjentisht.
Polina, një vajzë e vogël llafazane me kaçurrela të bukura, ka kancer – neuroblastoma me rrezik të lartë.
Ajo u trajtua në Izrael dhe pak para se Vladimir Putin t’i shpallte këtë luftë Ukrainës, mjeku i saj konfirmoi se sëmundja e saj ishte duke u larguar. Por në Kharkiv, ilaçet e saj po mbarojnë dhe nëna e saj nuk mund të marrë më shumë.
Ata duan të largohen, por kanë frikë të kalojnë nëpër një qytet nën zjarr për të arritur në stacionin e trenit.
Kseniya thotë se ndihet si në një llotari, ku nuk e keni idenë nëse raketa tjetër do të godasë shtëpinë tuaj, ose do të shpëtoni./Gazeta Enigma/
