Ministri i Mbrojtjes i Shqipërisë, Niko Peleshi, ka thënë se 100 aeroplanë po e mbrojnë hapësirën ajrore shqiptare.
Peleshi ka publikuar një video duke treguar reagimin e NATO-s ndaj pushtimit rus në Ukrainë.
“Aktivizimi i planeve të mbrojtjes, dislokimi i Forcës së Reagimit të NATO-s, mbi 100 avionë janë duke mbrojtur hapësirën tonë ajrore, mbi 120 anije aleate që mbrojnë në det dhe dërgimi nga aleatët e NATO-s të trupave dhe pajisjeve për të mbrojtur krahun tonë lindor”.
Sekretari i Përgjithshëm i NATO-s, Jens Stoltenberg tha sot se numri i ushtarëve që Rusia ka dislokuar brenda dhe përreth Ukrainës është mbi 100 mijë dhe se kemi parë që në dy ditët e fundit ka dërguar një numër të konsiderueshëm forcash ushtarake në Bjellorusi./Gazeta Enigma/
