Forcat izraelite kanë qëlluar me armë zjarri një adoleshent palestinez, cili pas goditjeve gjen vdekje.
Incidenti ka ndodhur në Bab Hutta, afër hyrjes së Xhamis Al-Aksa rreth orës 4:30 të mëngjesit me kohën lokale, transmeton Aljazeera.
Agjencia palestineze ka identifikuar trupin e pajetë, ku edhe është bërë e ditur se adoleshenti ishte një 19-vjeçar, Kareem Jamal al-Qaqasmi, ndërsa konstatimi për vdekjen e tij e ka bërë personeli mjekësor të cilët arritën në vendin e ngjarjes.
Ndërsa policia izraelite, ka mbrojtur oficerët e tyre duke u arsyetuar se adoleshenti i kishte sulmuar ata me thikë, ndërsa kanë pësuar lëndime të lehta trupore.
Tensionet mes Izraelit dhe Palestinës, kanë arritur deri në pikën ku kohëve të fundit është zhvilluar protestë e madhe.
Në këtë protestë, kanë pësuar lëndime trupore mbi 30 palestinezë, përfshirë edhe fëmijë, ndërsa janë arrestuar afërsisht 20 të tjerë.
