Një shtetase siriane ka vdekur pasi u godit nga një veturë në Harilaq të Fushë Kosovës.
Ajo nuk iu mbijetoi plagëve megjithëse ekipi mjekësor arriti pas rreth 10 minutash. Mjeku i QKMF-së së Fushë Kosovës, Arbnor Heta, deklaron se konstatoi vdekjen e saj në vendngjarje.
Viktima është e moshës rreth 20 vjeç, dhe sipas zyrtarëve të qendrave të azilit nuk ka qëndruar as në qendrën në Magure e as në Vranidoll, njofton Klan Kosova.
Klan Kosova mëson se vetura me të cilën u godit sirianja i takon një binzesi që japin vetura me qera, ndërkaq vozitësi ishte punonjës që po e dërgonte automjetin tek një klient në aeroport.
Ai tashmë është arrestuar nga organet e rendit.
Banorët e zonës ku ndodhi aksidenti thonë se të tilla raste nuk janë të rralla, meqë shpejtësia që zhvillohet në atë pjesë është e madhe.
