Komuna e Podujevës është gjobitur me 20 mijë euro nga Agjencia për Informim dhe Privatësi.
Sipas njoftimit të AIP-së, Komuna është gjobitur me arsyetimin se e njëjta ka publikuar lista me të dhëna personale të subjekteve të të dhënave të qytetarëve, të cilët kanë fituar subvencione, që përfshijnë periudhën nga viti 2017 deri në vitin 2022.
Gjobën e marrë, pushteti i tanishëm po thonë se e trashëguan nga gabimet e qeverisjes së kaluar, por që më pas, pa e ditur, e vazhduan.
Gjithsesi, në komunë shpresojnë se nuk do të gjobitën më, meqë pas këtij gabimi punësuan një zyrtar që do të merret enkas për ruajtjen e të dhënave personale.
