Kryetari i AAK-së, Ramush Haradinaj është duke e vazhduar vizitën e tij në Shtetet e Bashkuara të Amerikës.
Haradinaj të premtën ka darkuar me një familje amerikane për të cilën thotë se është e njohur për akvitetet humanitare kudo në botë, përfshirë edhe Kosovën.
“Mbrëmë për darkë në familjen amerikane Trompeter, nga familjet më të suksesshme për ndërmarrësi në Shtetet e Bashkuara të Amerikës. Trompeter, me aktivitetet e tyre humanitare i gjen kudo në botë, përfshirë dhe Kosovën, e së fundmi të përfshirë financiarisht në mbështetjen e kauzës së refugjatëve nga Afganistani. Faleminderit për mikpritjen”, ka shkruar Haradinaj në Facebook.
Kreu i AAK-së tash e disa ditë po qëndron në ShBA ku është takuar edhe me Emisarin e Posaçëm të ShBA-së për Ballkanin Perëndimor, Gabriel Escobar, si dhe zyrtarë të tjerë amerikanë e komunitetin shqiptar që jeton në Washington e Michigan.
