Gjykata Themelore në Prishtinë ka marrë vendim që t’ia caktojë një muaj arrest shtëpiak të dyshuarit për veprën penale “Sulm seksual”.
“Gjykata Themelore në Prishtinë, Departamenti i Përgjithshëm Penal ka vendosur lidhur me kërkesën e Prokurorisë Themelore në Prishtinë për caktimin e masës së arrestit shtëpiak kundër të pandehurit B.A i dyshuar për shkak të veprës penale Sulmi seksual nga neni 229, paragrafi 1 të Kodit Penal të Republikës së Kosovës”, thuhet në komunikatën e Gjykatës.
Nga kjo gjykatë kanë thënë se palët e pakënaqura kanë të drejtë ankese në afat prej 15 ditëve në Gjykatën e Apelit përmes Themelores.
