Delegacionet e Kosovës dhe Serbisë kanë arritur të martën pajtueshmëri për zbatimin e marrëveshjes ekzistuese për energjinë.
Takimet janë zhvilluar Bruksel, në kuadër të dialogut për normalizim të marrëdhënieve mes dy shteteve, i cili ka nisur më 2011.
I dërguari i posaçëm i Bashkimit Evropian për këtë dialog, Mirosllav Lajçak, ka zhvilluar fillimisht takime bilaterale me zëvendëskryeministrin e Kosovës, Besnik Bislimi, i cili është shef i delegacionit të Kosovës për dialog, e më pas takim të njëjtë edhe me shefin e delegacionit të Serbisë, Petar Petkoviq.
Për këtë ujdi, ka reaguar ky i fundit duke thënë se kompania “Elektrosever do të furnizojë në mënyrë të pavarur konsumatorët me energji elektrike në veri të Kosovës”.
Sipas tij, pas kësaj marrëveshje nuk ka më kërcënime për ndërhyrje në Valaç dhe ndërprerje të dhunshme të energjisë.
“Pa tarifë retroaktive rrugë e hapur për bisedime për Asociacionin e Komunave me shumicë serbe. Unë personalisht do të jem në terren me njerëzit tanë dhe do të monitoroj zbatimin e marrëveshjes”, shkroi ai në Twitter.
Договорено:
Електросевер ће самостално снабдевати потрошаче струјом на северу KиМ ✔
Нема више претњи упадом у Валач и насилног искључења струје ✔
Нема ретроактивне наплате ✔
Отворен пут за разговоре о ЗСО ✔
Лично ћу бити на терену с нашим народом и пратити примену споразума pic.twitter.com/zctVtSoRuN— Петар Петковић (@PetkovicPetar) June 21, 2022
