Ministria ruse e mbrojtjes ka thënë se zjarri në qendrën tregtare në Kremenchuk, u shkaktua nga ‘shpërthimi i municioneve të ruajtura për armët perëndimore”, por asnjë provë nuk është ofruar që të mbështetet ky pretendim.
Në konferencën e përditshme, ministria tha se “Forcat e armatosura të Federatës Ruse vazhdojnë të godasin objektet ushtarake në territorin e Ukrainës.
Më 27 qershor, në qytetin Kremenchuk, forcat ruse të hapësirës ajrore kryen një sulm me armë me bazë ajrore me precizion të lartë në hangarë me armë dhe municione të marra nga Shtetet e Bashkuara dhe vendet evropiane.
Si rezultat i një sulmi me precizion të lartë, armët dhe municionet e prodhimit perëndimor të përqendruara në një zonë magazinimi për dërgim të mëtejshëm në grupin ukrainas të trupave në Donbas u goditën.
Shpërthimi i municioneve të magazinuara për armët perëndimore shkaktoi zjarr në një qendër tregtare jofunksionale që ndodhet pranë uzinës.”
