Presidenti i SHBA-së, Joe Biden dëshiron të përdorë udhëtimin e tij në Lindjen e Mesme këtë javë për të thelluar integrimin e Izraelit në rajon dhe do të punojë për të bërë përparim në marrëdhëniet midis Izraelit dhe Arabisë Saudite, thanë nga Shtëpia e Bardhë të hënën me anë të një deklarate.
Këshilltari për Sigurinë Kombëtare në Shtëpinë e Bardhë, Jake Sullivan, tha se çdo normalizim midis Izraelit dhe Arabisë Saudite ka të ngjarë të marrë shumë kohë, por se Biden do të kërkojë të bëjë përparim gjatë udhëtimit të tij në Izrael dhe Arabinë Saudite, shkruan Reuters.
