Një aksident ka ndodhur sot në lagjen “Kastriot” në Fier.
Një veturë ka goditur një 33-vjeçare dhe djalin e saj 6-vjeçar.
Ata janë dërguar për trajtim mjekësor dhe janë jashtë rrezikut për jetë, raporton Top Channel, transmeton Klankosova.tv.
“Sot, rreth orës 12:30, në lagjen “Kastriot”, Fier, shtetasi L. A., duke drejtuar automjetin tip “Benz” ka aksidentuar këmbësorët, shtetasen E. K., 33 vjeçe dhe djalin e saj 6 vjeç, të cilët ndodhen në spital nën kujdesin e mjekëve, jashtë rrezikut për jetën. Grupi hetimor po punon për zbardhjen e rrethanave të aksidentit”, thuhet në njoftimin e policisë.
