Festivali i Këngës, Eurovision, do të mbahet në Mbretërinë e Bashkuar vitin e ardhshëm.
Organizatorët e festivalit kanë vendosur që ai të mos mbahet në shtetin fitues, Ukrainë, për shkak të pushtimit rus që ende po vazhdon.
Mbretëria e Bashkuara doli në vendin e dytë në Eurovisionin e këtij viti, prandaj organizatori i festivalit nisi bisedimet për mbajtjen e festivalit të ri në këtë shtet.
Ende nuk dihet se në cilin qytet do të mbahet Eurovisioni, por Glasgo dhe Mançester kanë shprehur interesim.
Mbretëria e Bashkuar ka një sërë sallash adekuate për mbajtjen e Eurovisionit më 2023, por ka edhe hapësira akomoduese dhe lidhje të mira të transportit ndërkombëtar.
