Një burrë që vrau gruan e tij natën e dasmës së tyre dhe e futi trupin e saj në një valixhe është dënuar me të paktën 21 vjet burgim.
Trupi i gruas, Dawn Walker, 52 vjeçe, u gjet katër ditë pasi u martua me Thomas Nutt, më 27 tetor të vitit të kaluar.
Pasi vrau gruan, Nutt e futi trupin e saj në një dollap, para se ta transferonte në një valixhe dhe ta hidhte në shkurre pas shtëpisë së tyre, në Anglinë veriore.
Ai “shkatërroi” trupin e saj duke ia thyer kockat për ta bërë atë të futet në valixhe, tha gjykatësi Jonathan Rose.
Nutt gënjeu familjen e gruas, duke fajësuar shëndetin e saj mendor për gjoja zhdukjen, dhe u dërgoi atyre tekste të rreme nga telefoni i saj.
Një ekzaminim i trupit të gruas tregoi se ajo kishte pësuar lëndime të konsiderueshme në qafë, raporton SkyNews.
Nutt nuk dha dëshmi në gjyqin e tij, duke pranuar vrasjen mbi bazën se ai “nuk kishte ndërmend” t’i shkaktonte dëm serioz gruas së tij të re.
Nutt thirri policinë më 31 tetor, duke pretenduar se gruaja e tij ishte zhdukur atë mëngjes nga shtëpia e tyre dhe dukej se po bënte një kërkim.
