Ish-deputeti i Partisë Demokratike të Kosovës, Adem Grabovci, bashkë me kryepriftin e kishës shqiptare në Detroit dhe ish të burgosurin politik, Xhavit Ademi, e kanë vizituar qendrën e paraburgimit në Hagë ku po mbahen krerët e UÇK-së.
Grabovci tha ishte krenarë e i mërzitur për vizitën tek shokët e tij që po mbahen në paraburgim, teksa nuk tregoi në detaje nëse kishte mundësi t’i takojë të gjithë.
“Të fortë, të relaksuar dhe të bindur ne triumf të drejtësisë e ri-konfirmimit të pastërtisë se luftës çlirimtare”, ka shkruar Grabovci.
Tutje, ai tha se në këtë proces gjyqësor beteja nuk është për individët por për të ardhmen e të gjithë kombit.
“Kemi fituar beteja e beteja, do e fitojmë edhe ketë, si komb të bashkuar”, shkroi Grabovci.
