Sulmuesi anësor i Kombëtares së Kosovës, Lirim Kastrati është prezantuar zyrtarisht te skuadra hungareze Mol Fehervar.
Skuadra hungareze sot ka prezantuar Kastratin i cili e nisi karrierën e tij te skuadra e Kikës nga Hogoshti.
Mol Fehervar FC ka njoftuar se Kastrati do të jetë pjesë e tyre deri në vitin 2025 ashtu siç raportoi Gazeta Enigma.
Kastrati ka treguar se kishte oferta edhe nga klube të tjera evropiane, por pasi kishte biseduar me trajnerin e këtij klubi u bind që t’i bashkohet kësaj skuadre.
23-vjeçari do të bartë fanelën me numrin 10 te Mol Ferhevar.
Derjtori sportiv Istvan Salloi i ka thurur elozhe Kastratit, duke thënë se me ardhjen e tij, skuadra është forcuar dukshëm në fazën e sulmit. Ai e ka cilësuar 23-vjeçarin si një futbollist jashtëzakonisht të shpejtë gjë e cila do t’i ndihmoj skuadrës së tyre./GAZETA ENIGMA/
