Federata Argjentinase e Futbollit (AFA) njoftoi pezullimin e të gjitha aktiviteteve të futbollit të enjten mbrëma, pas një ngjarjeje të tmerrshme në Buenos Aires.
Organi shtetëror i futbollit njoftoi se të gjitha ngjarjet e programuara për të premten do të pezullohen pas një tentative për vrasjen e zëvendës-presidentes Cristina Fernandez de Kirchner.
Sipas “BBC”, një person i armatosur iu afrua Kirchner-it teksa ajo po ndiqte përkrahësit në publik. Një brazilian u arrestua pasi u përpoq që të vriste Kirchner, por për fat të mirë arma u bllokua dhe Kirchner shpëtoi e padëmtuar për mrekulli.
Kirchner po largohej nga gjykata në atë kohë, ku ajo akuzohet për korrupsion, diçka që ajo është duke e mohuar.
Në deklaratën e tyre, AFA deklaroi si më poshtë:
“Shoqata e Futbollit të Argjentinës shpreh keqardhjen e saj më të fuqishme për ngjarjet me zëvendës-presidenten e vendit, Cristina Fernandez de Kirchner. Ne i bëjmë një thirrje të gjithë shoqërisë, duke paralajmëruar se dhuna e çdo lloji nuk është kurrë rruga e duhur”.
Nuk është ende e qartë nëse ky pezullim do të zbatohet vetëm për një ditë apo mund të vazhdojë për një kohë më të gjatë.
