Shumë yje u larguan nga Seria A gjatë verës, dhe me më të shtrenjtit ishin Matthijs de Ligt, Kalidou Koulibaly dhe Gianluca Scamacca.
Shumë lojtarë të mëdhenj u larguan nga Italia në afatin kalimtar të verës, duke iu bashkuar klubeve të mëdha nëpër Evropë.
De Ligt ishte shitja më e madhe në Itali në afatin kalimtar të verës. Mbrojtësi holandez iu bashkua Bayern Munichut nga Juventusi për 67 milionë euro plus 10 milionë euro bonuse, ndërsa Juventusi e zëvendësoi me Gleison Bremer.
Braziliani është shitja e dytë më e madhe e afatit kalimtar të verës në Serie A, por Bremer nuk është larguar nga Seria A dhe nuk ka ndryshuar as qytet, pasi ka shkëmbyer Torinon me rivalët e tyre të qytetit, Juventus.
Kalidou Koulibaly dhe Gianluca Scamacca fluturuan për në Londër, duke iu bashkuar Chelseat dhe Ëest Ham respektivisht.
Sulmuesi italian ishte gjithashtu në bisedime me PSG-në, por Sassuolo përfundimisht arriti një marrëveshje me ‘Çekanët’, të cilët, sipas drejtorit të Sassuolos, Giovanni Carnevali, ishin ‘një opsion më i mirë’ për italianin.
Më poshtë i gjeni shitjet më të mëdha në Serie A.
Shitjet më të mëdha në Serie A (top 10)
Matthijs de Ligt: Juventusi – Bayern Munich (67 milionë euro + 10 milionë euro bonuse)
Bremer: Torino – Juventus (51 milionë euro)
Kalidou Koulibaly: Napoli – Chelsea (38 milionë euro + 2 milionë euro bonuse)
Gianluca Scamacca: Sassuolo – West Ham (36 milionë euro)
Fabian Ruiz: Napoli – PSG (23 milionë euro)
Ederson: Salernitana – Atalanta (21 milionë euro)
Nahuel Molina: Udinese – Atletico Madrid (20 milionë euro)
Arthur Theate: Bologna – Rennes (19 milionë euro)
Destiny Udogie: Udinese – Tottenham (18 milionë euro)
Aaron Hickey: Bologna – Brentford (16.5 milionë euro)
