Presidenti rus, Vladimir Putin, tha të mërkurën se Rusia nuk kishte humbur asgjë në një konfrontim global me Shtetet e Bashkuara për konfliktin në Ukrainë, por në fakt kishte fituar duke vendosur një kurs të ri sovran që do të rivendoste ndikimin e saj global.
Putini e hedh gjithnjë e më shumë konfliktin në Ukrainë, të cilin ai e quan një “operacion ushtarak special”, si një pikë kthese në histori kur Rusia më në fund hodhi poshtë poshtërimet që shoqëruan rënien e Bashkimit Sovjetik në vitin 1991.
Në një përpjekje për të nënvizuar animin e Rusisë drejt Azisë, Putin, duke folur në Forumin Ekonomik Lindor në qytetin rus të Paqësorit, Vladivostok, tha se Perëndimi po dështon ndërsa Azia është e ardhmja.
“Ne nuk kemi humbur asgjë dhe nuk do të humbasim asgjë. Çdo gjë që është e panevojshme, e dëmshme dhe çdo gjë që na pengon të ecim përpara do të refuzohet”.
“Për sa i përket asaj që kemi fituar, mund të them se fitimi kryesor ka qenë forcimi i sovranitetit tonë dhe ky është rezultati i pashmangshëm i asaj që po ndodh tani. Kjo përfundimisht do të forcojë vendin tonë nga brenda”, është shprehur Putin, shkruan Reuters, transmeton Klankosova.tv.
Megjithatë, ai pranoi se konflikti kishte lëshuar “një polarizim të caktuar” si në botë ashtu edhe në Rusi.
Rusia dërgoi dhjetëra mijëra trupa në Ukrainë më 24 shkurt në atë që e quajti një operacion special për të degraduar aftësitë ushtarake të fqinjit të saj jugor dhe për të çrrënjosur njerëzit që i quajti nacionalistë të rrezikshëm.
Forcat ukrainase kanë ngritur rezistencë të ashpër. Asnjëra palë nuk ka bërë të ditur se sa ushtarë janë vrarë.
