Deputeti ukrainas, Oleksiy Goncharenko, me një fjalim në Asamblenë Parlamentare të Këshillit të Europës, i është drejtuar vendeve mosnjohëse të pavarësisë së Kosovës brenda Këshillit të Europës që ta ndërmarrin hapin dhe ta njohin Kosovën si shtet.
Goncharenko në fjalimin e tij e dha edhe një mesazh në gjuhën shqipe.
“Kosova është Europë”.
Për këtë fjalim të deputetit ukrainas ka reaguar presidentja e vendit, Vjosa Osmani.
Ajo e ka vlerësuar si fjalim të fuqishëm, duke thënë se Kosova dhe Ukraina qëndrojnë në anën e lirisë.
“Kosova është Evropë! Një fjalim i fuqishëm nga deputeti @GoncharenkoUa mbi të drejtën e Kosovës për t’u ulur në mesin e kolegëve evropianë në Këshillin e Evropës.Kosova dhe Ukraina qëndrojnë në anën e lirisë, demokracisë dhe të drejtave të njeriut”, shkroi Osmani në Twitter.
Kosova është Evropë!
A powerful speech from MP @GoncharenkoUa on Kosovo's right to sit amongst fellow Europeans at the Council of Europe.
Kosovo and Ukraine both stand on the side of freedom, democracy and human rights. ???????????????? pic.twitter.com/e8MPP1QXiA— Vjosa Osmani (@VjosaOsmaniPRKS) October 11, 2022
