Administrata Tatimore e Kosovës në bashkëpunim me Programin e USAID për Qeverisje Ekonomike në Kosovë, ka organizuar Tryezë të Rrumbullakët për të Dhëna të Hapura (‘Open Data’) në Administratës Tatimore të Kosovës (ATK).
Bëhet e ditur se qëllimi i kësaj nisme është rritja e transparencës, përmirësimi i percepsionit të institucionit të ATK-së për publikun, njëherësh edhe zhvillimi i hovshëm i teknologjisë informative, e cila mundëson në kohë reale t’i shërbejë qytetarët me të dhëna.
Veç kësaj, shkas i kësaj iniciative, e cila ka qenë paraparë edhe në Planin për Përmirësimin e Integritetit të ATK-së, kanë qenë dhe vazhdojnë të jenë kërkesat e shumta që vijnë nga organizatat të ndryshme nga vendi dhe jashtë. Andaj, në këtë tryezë të ftuar ishin institucione dhe organizata vendore dhe ndërkombëtare, si dhe media nga të cilat është kërkuar dhënia e imputeve, të cilat janë me interes publik për finalizimin e Katalogut për Të Dhëna të Hapura.
ATK vlerëson se pjesëmarrësit e kanë mirëpritur këtë projekt, të cilin e cilësuan si mekanizëm i cili do të ngrisë në nivel tjetër transparencën dhe integritetin e institucionit të ATK-së.
Sipas statusit aktual të Katalogut për Të Dhëna të Hapura, brenda këtij viti do të publikohen data-sets e para.
