Që nga viti 1996, instalimi i dritës “Untitled” i Dan Flavin ka zbukuruar fasadën e Hamburger Bahnhof në Berlin, por për të kursyer energji, vepra artistike tani është e fikur.
Muzeu çaktivizoi instalimin e dritës “Untitled” nga artisti amerikan Dan Flavin në fasadën e jashtme që u instalua kur u hap në 1996, shkruajnë mediat gjermane.
Tubat e neonit blu në shtyllat midis harqeve me dritë jeshile të fasadës neoklasike kanë qenë tipari dallues i muzeut që atëherë.
“Është e rëndësishme që ne, si një muze i njohur ndërkombëtarisht, të japim një shembull në situatën aktuale dhe të japim kontributin tonë në kursimin e burimeve të pakta,” tha Till Fellrath, drejtor i Hamburger Bahnhof.
“Shpresojmë se ky hap, i vështirë për ne, do të stimulojë gjithashtu një rimendim të përgjithshëm të planifikimit të qëndrueshëm të muzeve.”
Sipas muzeut, instalimi po të fiket për herë të parë që nga themelimi dhe se ndërprerja e energjisë për veprën e artit pritet të zgjasë gjatë dimrit deri në fund të marsit.
