Policia e Kosovës ka arrestuar një person të dyshuar në Gjilan.
I njëjti ka gjuajtur me armë zjarri tek një restaurant në Gjilan.
Patrulla policore menjëherë i është përgjigjur rastit ku dyshohet se i dyshuari tri herë ka shtënë me armë zjarri në ajër, nga të cilat të shtëna nuk është lënduar askush. Në vend të ngjarjes nga patrulla policore janë gjetur tri (3) gëzhoja të armës
Komunikata e plotë:
Gjilan, 29 tetor 2022
Drejtoria Rajonale e Policisë Gjilan, Stacioni Policor Gjilan me datën 28.10.2022 përmes rrugëve operacional ka pranuar informatë se tek një restauran në Gjilan ka të shtëna me armë zjarri. Patrulla policore menjëherë i është përgjigjur rastit ku dyshohet se i dyshuari tri herë ka shtënë me armë zjarri në ajër, nga të cilat të shtëna nuk është lënduar askush. Në vend të ngjarjes nga patrulla policore janë gjetur tri (3) gëzhoja të armës.
I dyshuari i rastit fillimisht ishte larguar nga vendi i ngjarjes ku falë punës policore është lokalizuar dhe identifikuar se i dyshuar i këtij rasti është S.L. (1981) shqiptar kosovar tek i cili pas arrestimit është konfiskuar një (1) armë pistoletë mod. 75 e kalibrit 8 paro. me njëmbëdhjetë (11) fishekë si dëshmi për Gjykatën.
Në lidhje me rastin është njoftuar Prokurori i Shtetit i cili ka urdhëruar që ndaj të dyshuarit të ngritët kallëzim penal për veprat penale ‘’ Shkaktim i rrezikut të përgjithshëm’’ dhe ‘’ Mbajtja në pronësi, kontroll ose posedim të paautorizuar të armëve’’ dhe ndaj të dyshuarit ka lëshuar masën e ndalimit për 48 orë.
